Balena më e vjetër vrasëse do të kthehet së shpejti në ujërat e Paqësorit Veriperëndimor, më shumë se 50 vjet pas kapjes së saj.
Lolita, një orka (balenë vrasëse) 56-vjeç, ishte atraksioni i yjeve në Akuariumin Detar të Miami në Florida për dekada.
Aktivistët e mirëqenies së kafshëve kanë kaluar vite duke lobuar për lirimin e saj. Të enjten, akuariumi njoftoi se do të fillojë procesin e kthimit të orkës në habitatin e saj natyror në dy vitet e ardhshme.
“The Miami Seaquarium” po bashkëpunon me organizatën jofitimprurëse “Friends of Lolita” për ta dërguar balenën në habitatin e saj.
Fatura për zhvendosjen e Lolitës do të bëhet nga Jim Irsay, pronar i ekipit të futbollit NFL Indianapolis Colts.
“Jam i emocionuar që jam pjesë e rrugëtimit të Lolitës,” tha zoti Irsay. “Ajo është një krijesë e ashpër. Është e mahnitshme. Që kur isha i vogël, i kam dashur balenat.”
