Një studim i ri i kryer nga shkencëtarët paralajmëron se sistemi ‘Gulf Stream’ mund të shembet në vitin 2025. Mbyllja e rrymave jetike të oqeanit, e quajtur nga shkencëtarët Qarkullimi Meridional i Përmbysjes së Atlantikut (Amoc), do të sillte ndikime katastrofike klimatike.
Analiza e re vlerëson një afat kohor për rënien midis 2025 dhe 2095, me një vlerësim qendror prej 2050, nëse emetimet globale të karbonit nuk reduktohen. Dëshmitë nga shembjet e kaluara tregojnë ndryshime të temperaturës prej 10 gradë Celsius në disa dekada, megjithëse këto kanë ndodhur gjatë epokave të akullit, shkruajnë mediat e huaja.
Amoc mbart ujin e ngrohtë të oqeanit drejt polit të veriut ku ftohet dhe fundoset, duke nxitur rrymat e Atlantikut.
