Shqiptarja nga Kosova, Sihana Haxhnikaj me performancën e saj në audicionet e “The voice Australia” arriti të merrte vëmendjen e këngëtares me famë botërore, Rita Ora.
Përveç se u bë pjesë e grupit të Ritës, Sihana i kujtoi këngëtares edhe një herë për origjinën e cila foli plot pasion në shqip duke përshëndetur artisten e saj dhe familjen Haxhnikaj.
16-vjeçarja solli në skenën hitin e yllit të pop-it Miley Cyrus “Nothing Breaks Like A Heart” e cila i mundësoi të tërhiqte vëmendjen Rita Orës e cila ktheu karrigen për të.
Reagimi i Orës kur kuptoi se 16-vjeçarja është më origjinë nga Kosova, ishte epik. Ora e përshëndeti në shqip mes anëtarëve të jurisë dhe publikut.
“Zemër si je?” e përshëndeti ajo në shqip, teksa e përgëzoi për performancën dhe vokalin e jashtëzakonshëm.
