Ligjvënësit në Gjeorgji u përleshën brenda parlamentit ndërsa komisioni parlamentar po debatonte për një ligj të diskutueshëm për “agjentët e huaj” që kritikët thonë se është modeluar sipas legjislacionit drakonian në fuqi në Rusi.
Videot e transmetuara nga brenda parlamentit në Tbilisi, kryeqyteti i Gjeorgjisë, tregojnë konfliktin e dhunshëm midis ligjvënësve.
Në video shihet kryetari i komitetit të çështjeve ligjore, i cili goditi liderin e partisë opozitare Lëvizja e Bashkuar Kombëtare.
Koalicioni qeverisës i kryesuar nga partia “Ëndrra Gjeorgjiane” njoftoi muajin e kaluar se mbështet projektligjin, i cili gjithashtu do të duhet të kalojë nëpër faza të tjera miratimi.
Ligji do t’u kërkonte organizatave që marrin të paktën 20% të financimit të tyre nga jashtë të regjistrohen si “agjentë të huaj” dhe t’i vendosin ata nën mbikëqyrje nga Departamenti i Drejtësisë ose do të përballen me gjoba të rënda.
Kritikët e ligjit e krahasojnë atë me një ligj rus të vitit 2012, i cili po përdoret për të goditur nismat e shoqërisë civile dhe mediat e pavarura në Rusi. Ata thonë se ligji sinjalizon një zhvendosje drejt totalitarizmit.
Irakli Pavlenishvili, një aktivist për të drejtat civile dhe politikan i opozitës, tha: “Legjislacioni rus që tani i propozohet parlamentit është kundër interesave kombëtare të Gjeorgjisë, është kundër aspiratave tona europiane.”
Irakli Berea, një deputet nga partia qeverisëse “Ëndrra Gjeorgjiane”, i quajti ata që kundërshtonin ligjin “spiunë”. Fraksioni në fjalë pohon se mbetet i përkushtuar ndaj anëtarësimit të vendit në Bashkimin Europian.
Presidentja e Gjeorgjisë, Salome Zourabisvili, ka thënë se do të vërë veton ndaj projektligjit, i cili nëse miratohet, sipas saj do të rrezikojë shpresat e Gjeorgjisë për t’u bashkuar me Bashkimin Europian dhe NATO-n.
Parlamenti mund të anashkalojë veton presidenciale. Muajin e kaluar më shumë se 60 organizata të shoqërisë civile dhe media thanë se nuk do të respektonin nëse ligji miratohej.
/abcnews.al
🇬🇪 A brawl erupts in Georgia’s parliament over a foreign agents bill. The draft legislation seeks to create a nationwide register of orgs and mass media receiving funding from other states. Some in the opposition believe this law distances the country from joining the EU. pic.twitter.com/WuI22fG4Ve
— 🅰pocalypsis 🅰pocalypseos 🇷🇺 🇨🇳 🅉 (@apocalypseos) March 6, 2023
