Policia është shumë pranë zbardhjes së motivit dhe autorit të vrasjes së biznesmenit Ardian Nikulaj në Lezhë.
Kështu është shprehur gazetari Spartak Koka, sipa burimeve të tij nga zyrtarë të policisë.
Koka gjithashtu tha në emisionin “Opinion”, se shtetasi anglez që ndodhej në hotelin e viktimës dhe u largua ditën e vrasjes, nuk është aktualisht si person i dyshuar.
Po sipas burimeve të gazetarit, vrasësi i dyshuar është një qytetar nga Lezha.
“Policia ka marrë të gjithë dëshmitarët në vendngjarje në pyetje, përfshi edhe shtetasin anglez, dhe sipas një zyrtari policie, në këtë fazë, shtetasi anglez nuk përbën dyshim.
Policia është në rrugën e duhur për të zbuluar motivin dhe autorin. Policia aktualisht ka një të dyshuar që mund të jetë një qytetar nga Lezha. Një qytetar nga Lezha që dyshohet të jetë killer”, tha Koka.
