Dy ngjarje u regjistruan në orët e para të mëngjesit në Tiranë.
Një shtetas 56-vjeçar ka rënë nga kati i katërt i një pallati në rrugën “Margarita Tutulani”.
Ngjarja ka ndodhur rreth orës 07:15 dhe personi aktualisht ndodhet në spital në kujdesin e mjekëve.
Në të njëjtën kohë, në fund të Bulevardit të Ri, është gjetur një shtetas 67-vjeçar, Dh. S., pa shenja jete afër një biçiklete.
Nga këqyrja paraprake, nuk janë konstatuar shenja dhune, por dyshohet se vdekja ka ardhur nga shkaqe natyrale.
Grupi hetimor po punon për sqarimin e rrethanave të të dyja ngjarjeve.