Një ngjarje e rëndë ka ndodhur pasditen e kësaj të mërkure në qytetin e Pogradecit.
Një konflikt mes disa personave në afersi të agjencisë së qytetit ka agravuar në përdorimin e mjeteve të mprehta.
Siç shihet dhe nga pamjet e siguruara nga Euronews Albania, në konflikt janë përfshirë disa persona, njëri prej të cilëve mban në dorë një hanxhar.
Nuk ndihen ende rrethanat e ngjarjes ndërkohë që policia ka shoqëruar disa persona në komisariat.
Grupi hetimor po vijon punën për zbardhjen e shkaqeve të ngjarjes dhe identifikimin e të gjithë personave të përfshirë në konflikt.
