Ndonëse rezultati i votave nuk është bërë ende publik, socialistët e Vorës kanë filluar festën.
Siç raportohet nga Vora, në qendër janë hedhur fishekzjarre nga kandidati i Partisë Socialiste Blerim Shera.
Ky i fundit garon përballë kandidatit të koalicionit Bashkë-Fitojmë, Indrit Hoxha.
Rezultati në Vorë, Kamëz dhe Elbasan pritet të dalë shumë shpejt, pasi votimi është zhvilluar në mënyrë elektronike.
“Pritshmëritë i kishim shumë të mëdhaja dhe nuk e vinim fare në diskutim. Kryesojmë në çdo qendër votimi. Diferencën nuk e di pa dalë rezultati paraprak. Por nga informacionet para kemi një nga fitoret më të thella ndonjëherë”, është shprehur Shera.
