Para mijëra mbështetësve të tij në Stamboll, Presidenti, Rexhep Taip Erdogan ka dalë për të shpallur fitoren.
Në bazë të të dhënave të marra nga hapja e 97% e kutive të votimit Erdogan ka marrë 52.0% të votave ndërsa rivali i tij republikan i opozitës Kemal Kiliçdaroglu që mbështetej nga 6 parti u ndal në vetëm 47.9% të votave.
Erdogan ka dalë duke kënduar para mbështetësve ndërsa i është drejtuar rivalit të tij me fjalët: “Bye bye Kemal!”.
Kujtojmë se turqit votuan edhe për Asamblenë Kombëtare në raundin e parë më 14 maj. Partia e Erdoganit ka një shumicë komode në organin prej 600 vendesh.
Vendet ndahen si më poshtë:
323 për nacionalistët AKP dhe MHP të Erdoganit
212 për Republikanët (CHP) dhe Partia e Mirë e Meral Aksener
65 vende për partitë më të vogla të majta.