Një rast i lëndimit të rëndë trupor raportuar se ka ndodhur të hënën në Gjakovë.
Policia njofton se një person derisa ka qenë në vendin e tij të punës, aksidentalisht ka qëlluar veten me pistoletë e cila përdoret për neutralizimin e kafshëve.
“Gjakovë 19.06.2023-13:30.
Viktima mashkull kosovar derisa ka qenë në vendin e punës aksidentalisht ka qëlluar veten me një pistoletë e cila përdoret për neutralizimin e kafshëve”, thuhet në raportin policor.
Viktima fillimisht është dërguar në Spitalin e Gjakovës, e më pas është transportuar në QKUK për trajtim të mëtejshëm mjekësor.
