Autori i vrasjes së 50-vjeçarit shqiptar Shpëtim Bajrami në Selanik të Greqisë , doli sot para gjykatës ku ndaj tij u ngritën dy akuza, ajo e vrasjes dhe armëmbajtje pa leje.
I shoqëruar nga dy policë greke, 45-vjeçari ishte veshur me antiplumb.
Autori dhe viktima, para krimit, ndodheshin në një lokal aty pranë dhe dëshmitarët raportuan se mes viktimës dhe autoritt po debatonin për një borxh.
Shpëtim Bajrami u ekzekutua me 3 plumba në afërsi të një karburanti në Selanik të Greqisë mesditën e së enjtes.
Mediat greke raportojnë se viktima , me origjinë nga Elbasani bënte udhëtime të shpeshta drejt Shqipërisë, tre deri në katër herë në muaj. Një ditë para vrasjes së tij ai ishte kthyer nga një udhëtim i tillë dyditor në vendlindje. Ai kishte përdorur linjën Shkup-Pogradec-Shqipëri dhe ishte kthyer në Greqi nga Kapshtica.
