“Jam fanse e tij”, Adrola Dushi flet për lidhjen me Capital T, ja cila këngë i pëlqen më shumë

Reperi Capital T, po mban koncertin e tij ‘Time Capsule’ sonte në qytetin e lindjes, Prishtinë.

E ftuar në koncert nuk kishte si të mos ishte edhe Adrola Dushi. E njëjta tha se nuk do të mungojë edhe në tribunat VIP në koncertin e sotëm, duke brohoritur në mbështetje të reperit.

“Sigurisht që po do të jem pjesë e koncertit, duke ulëritur, duke bërë tifo për këngëtarin”, tha modelja.

T teksa ka folur për lidhjen e saj me reperin, Adrola tha se e ka cekur shumë herë që është një fanse e madhe e tij, si artist, por mbi të gjitha si njeri.

“E kam thënë që jam fanse edhe e Capitalit si artist edhe e Trimit, sidomos e Trimit por edhe e Capital-it shumë”, tha modelja.

Ndërsa, kur erdhi te pyetja e këngës së preferuar, ajo tha se nuk bën dallime pasi thuajse të gjitha këngët e publikuara nga ai, hyjnë në listën e saj të preferencave.

“Më kanë pyetur shumë se cila këngë e Capital T më pëlqen më shumë. Më pëlqejnë shumë këngë të tijat. Por nuk po veçoj as këtu, këngën e fundit po zgjedh, ‘Malli më ka marrë’”, tha Adrola.