Një polic ka mbetur i plagosur pasi motori i “Shqiponjave” është aksidentuar në Sarandë.
Ngjarja ka ndodhur pas mesnate në Qafe Gjashtë, ku forcat e Tiranës kanë shkuar në mbështetje të atyre të qytetit bregdetar.
Motori është përplasur me një automjet që drejtohej nga shtetas italianë.
Polici është transportuar me urgjencë në spitalin e Sarandës.
Mësohet se që nga pasditja e së premtes deri në orët e para të mëngjesit efektivët e Task-Forcës së qarkullimit rrugor kanë kryer edhe arrestime për personat që janë kapur duke drejtuar mjetin në gjendje të dehur në Sarandë e Ksamil.
