Presidentja e Kosovës, Vjosa Osmani ka komentuar përplasjet mes kryeministrit Rama dhe Albin Kurtit gjatë një konference nga Presidenca e Shqipërisë.
Vjosa Osmani tha se Kosova dhe Shqipëria kanë relacione motrash, duke shtuar se “çdo diskutim i momentit është tejkaluar”.
“Marrëdhënia mes Kosovës dhe Shqipërisë është e shkëlqyeshme, ne herë i quajmë vëllazërore, por mua më pëlqen ti quaj relacione mes motrash, sepse është relacioni më i sinqertë që ekziston, Sigurisht që mund të fuqizohen edhe më tej. Nuk është situata në veri që ka acaruar dialogun Kosovë-Serbi. Por është Serbia që acaron situatën në rajon duke sulmuar Kosovën. Vazhdimisht fut armatim në Kosovë ilegalisht.
Ndaj në mbrojtje të shtetit të pavarur e sovran të Kosovës në kufijtë aktual duhet që të qëndrojmë të bashkuar, të gjithë shqiptarë në rajon dhe bashkë me aleatët tanë që na kanë ndihmuar të vijmë në këtë moment,
Jam e bindur që çdo diskutim i momentit që mund të ketë çuar në mospajtime tashmë është tejkaluar, qëllimi ynë është i përbashkët, Kosova sovrane dhe e pavarur.
Unë angazhohem në arritjen e këtij qëllimi, të tejkalimit të çdo mospajtimi të momentit që ekziston, por nuk e shoh si tragjike apo si diçka që na pengon te ecim përpara në këtë qëllim të përbashkët në atë që e përmendët si acarim”, tha ajo.
Vjosa Osmani ndodhet në një vizitë dy ditore në vendin tonë me ftesë të Presidentit Begaj.
Ora 10:00 – Ceremonia Zyrtare e Mirëseardhjes në Institucionin e Presidentit të Republikës së Shqipërisë.
Ora 10.15-10.40 – Takim tete-a-tete midis Sh.T.Z. Bajram Begaj, President i Republikës së Shqipërisë dhe Sh.S.Znj. Vjosa Osmani Sadriu, Presidente e Republikës së Kosovës
Ora 10.40-11.30 – Bisedimet dypalëshe midis dy delegacioneve të kryesuara nga Presidenti i Republikës së Shqipërisë SH.T.Z. Bajram Begaj dhe SH.S.Znj. Vjosa Osmani Sadriu, Presidente e Republikës së Kosovës;
Ora 11.40-12.05 – Konferencë për shtyp dhe pyetje-përgjigje
(Shënim: Deklaratat e dy Presidentëve – nga dy pyetje nga gazetaret për secilin President)
Ora 12.30-12.45 – Takimi tête-à-tête midis Sh.T. Z. Edi Rama, Kryeministër i Republikës së Shqipërisë dhe Sh.S. Dr. Vjosa Osmani, Presidente e Republikës së Kosovës
Ora 12.45-13.00 – Takim midis dy delegacioneve te kryesuara nga Sh.T.Z. Edi Rama, Kryeministër i Republikës së Shqipërisë dhe SH.S.Znj. Vjosa Osmani Sadriu, Presidente e Republikës së Kosovës
Ora 14:35-15:20 – Takim midis Kryetares së Kuvendit, SH.S.Znj. Lindita Nikolla dhe Presidentes së Republikës së Kosovës SH.S.Znj. Vjosa Osmani Sadriu
Ora 09:00 – 09.20 – Aktivitet i përbashkët i dy Presidentëve me rastin e Ditës së Nënë Terezës në ekspozitën e Arkivave
Të dy presidentët marrin pjesë në hapje dhe japin nga një deklaratë
Vendi: Presidenca e Shqipërisë
Ora 09:30-09:40 – Ceremonia e vendosjes së kurorës në monumentin “Nëna Shqipëri” me pjesëmarrjen e Nënkryetarit të Bashkise, z. Andi Seferi dhe Komandantit te Gardes se Republikes, z. Gramos Sako
Ora 11:15-11:30 – Takim midis Presidentes së Republikës së Kosovës SH.S.Znj. Vjosa Osmani Sadriu, me Kryetarin e Bashkisë së Beratit, Z.Ervin Demo
11.30-11.45 – Ceremonia e dhënies së Titullit ‘’ Patron i Kalasë’’ ( Anglisht ‘’Patron of the Castle’’). Ky është një titull shumë i lartë ekskluziv,i cili i jepet personaliteteve të shquara që vizitojnë qytetin dhe që kontribuojnë me veprimtarinë e tyre në dobi të qytetit.
Ora 16.50-17.15 – Takim me Kryetaren e Bashkisë te Durrësit, zj. Emiriana Sako
Ora 17.30 – Vizitë në pikën doganore të Kosovës në Portin e Durrësit.
