Policia jep detaje rreth vrasjes së 41-vjeçarit Laert Keka në Vlorë.
Ngjarja ka ndodhur prane Bibliotekës Shefqet Musaraj, në afërsi të Kishës Ortodokse.
Viktima udhëtonte me motor kur u qëllua nga një mjet i zi me targa italiane.
Policia vendore informon se ‘në orën 21:50, jemi njoftuar se në lagjen 28 nentori, Vlorë, prane Biblotekes Shefqet Musaraj, se ka të shtëna me armë zjarri, dyshohet se nga nje automjet ngjyre e zezë me targa Italiane, është qëlluar me arme zjarri dhe si pasoje ka gjetur vdekjen shtetasi Laert Keka, i datëlindjes 02.07.1982, banues në Vlorë.’
Grupi hetimor ka administruar provat nga vendi i ngjarjes.
Po punohet për identifikimin dhe kapjen e autorëve.
Një ndihmesë pritet të japin edhe kamerat e bizneseve dhe shtëpive në lagjen ku ndodhi krimi.
Ende nuk ka një pistë zyrtare për shkaqet e vrasjes.
