Edhe pse jemi zyrtarisht në pranverë, reshje dëbore kanë rënë gjatë natës në zonat malore të qarkut të Elbasanit.
Trashësia e dëborës arrin deri në 5 cm në zonën Stebleve.
Aksi nacional Librazhd- Stebleve kërkon kujdes në disa segmente, teksa temperaturat kanë arritur -3 gjatë natës.
Edhe në Korçë, gjatë natës ka pasur reshje dëbore me intensitet mesatar. Në rrugën e Dardhës, km 5-km14, trashësia e dëbores është 5 cm -10 cm.
Në segmentin rrugor Qafa e Qarrit, aksi Korçë-Ersekë, trashësia ka arritur 3cm – 7cm.
Autoritetet rrugore bëjnë me dije se në akset rrugore nacionale dhe turistike, nuk ka probleme dimërore në rrugë.
