Një aksident rrugor, fatmirësisht pa dëme në njerëz, ka ndodhur mëngjesin e sotëm në Mengël të Elbasanit, ku një automjet ka dalë nga rruga dhe është përplasur në anë të rrugës.
Mësohet se drejtuesi i mjetit, i cili mesa duket ishte nisur diku për një dasmë, pasi sikurse duket edhe në pamjet e siguruara nga “5pyetjet.al” është e zbukuruar, ka humbur kontrollin duke rrëshqitur, e duke përfunduar e kthyer në mes të rrugës.
Në vendin e ngjarjes kanë shkuar policia dhe grupi hetimor, ndërsa mësohet se nga aksidenti ka pasur vetëm dëme materiale, e fatmirësisht asnjë person nuk është lënduar, edhe pse përplasja ka qenë e fortë.
