Një aksident i rëndë ka ndodhur në aksin rrugor Gjakovë-Prizren, në Kosovë.
Sipas informacioneve nga policia e Kosovës një automjet në të cilin lëviznin 4 persona është përplasur më një kamion në afërsi të fshatit Fshaj.
Si pasojë e përplasjes ka ndërruar jetë një 71-vjeçare, ndërkohë që kanë mbetur të plagosur personat e tjerë që ndodheshin në autoveturë.
Lajmi është konfirmuar nga zëdhënësi i policisë për rajonin e Gjakovës, Shermet Elezaj.
“Rreth orë 13:15 në fshatin Fshaj në rrugën Gjakovë – Prizren ka ndodhur një aksident trafiku mes një veture e kamioni, ku janë lënduar katër persona, e një prej tyre ka ndërruar jetë”, është shprehur Elezaj.
