Manchester City dhe Interi do të luajnë mes vete në ndeshjen finale të edicionit 2022/23 në garën kryesore evropiane për klube, Ligën e Kampionëve.
Qytetarët dhe Nerazzurrët janë gati për finalen e madhe që pritet të zhvillohet në Stamboll të Turqisë.
Interi dhe Manchester City kanë luajtur vetëm dy herë në ndeshje miqësore mes vete dhe të dyja kanë nga një fitore me rezultat identik, 3-0.
Manchester City ka shtatë fitore, dy barazime dhe një humbje në dhjetë ndeshjet e fundit në të gjitha garat. Interi ka nëntë fitore dhe vetëm një humbje në dhjetë ndeshjet e fundit në të gjitha garat.
Interi e kanë fituar garën në tre raste në historinë e tyre, së fundmi në vitin 2010, kur fituan edhe tripletën e famshme nën drejtimin e Jose Mourinhos.
