Të paktën 15 persona kanë vdekur pasi një autobus që transportonte të moshuar u përplas me një kamion në provincën kanadeze të Manitoba.
Policia tha se përplasja ndodhi në autostradën Trans-Canada pranë Carberry.
Të paktën 10 persona, përfshirë dy shoferët, janë dërguar në spital.
Dëshmitari John Proven tha se ai pa një automjet të djegur në një gropë pak pas mesditës me kohën lokale të enjten. “Nuk kam parë kurrë një aksident kaq të madh”.
