Shirat e rrëmbyeshëm që goditën javën e kaluar pjesën veriperëndimore të Turqisë kanë shkaktuar vdekjen e të paktën 8 personave.
Shirat erdhën pas një vere veçanërisht të thatë, gjatë së cilës nivelet e ujit në rezervuarët e Stambollit me rreth 16 milionë banorë kishin rënë në nivelin më të ulët në nëntë vjet.
Ekipet e shpëtimit në terren në provincën e Sarandës Ekklesies, në kufi me Bullgarinë, gjetën trupin e një viktime, e cila ishte në kërkim prej dy ditësh. Dy persona të tjerë vdiqën në Stamboll, qyteti më i madh i vendit, ku disa rrugë u kthyen në përrua.
Viktimat e përmbytjeve në provincën Kirklareli, të cilët ishin në zonë për pushime, u gjetën në kabina me dru të ndërtuara pa leje në mes të pyllit kur shirat e rrëmbyeshëm goditën zonën.
Përmbytjet në Greqi
Bilanci i viktimave në Greqi arrin në të paktën 14 persona dhe shpresojmë që të mos ketë të tjerë në vazhdim. Pamjet satelitore tregojnë katastrofën e përmbytjeve masive në disa qytete të Greqisë me një bilanc tragjik me humbje jete.
Stuhia Daniel, për të cilën meteorologët thanë se ishte më e keqja që goditi vendin që nga fillimi i regjistrimit të fenomeneve meteorologjike në vitin 1930, goditi Greqinë për tre ditë duke lënë një gjurmë rrënimi pas një vape rekord që gjithashtu solli zjarre të mëdha.
Statusi i ramës për shtetasit shqiptarë në Greqi
“Përmbytjet e mëdha shkatërruese në shumë rajone të Greqisë kanë shkaktuar humbje jetësh dhe dëme të mëdha. Keqardhje e madhe për jetët e humbura, ngushëllime vëllazërore familjeve të tyre dhe solidaritet i megjithëzemërt me të gjithë të prekurit nga kjo fatkeqësi e jashtëzakonshme natyrore
.
Ambasada jonë në Athinë njofton se qytetarët që ndodhen në zonat e prekura, mund të kontaktojnë drejtpërdrejt me Njësinë për Menaxhimin e Emergjencave Civile të Ministrisë së Krizave Klimatike dhe Mbrojtjes Civile të Greqisë????????, në numrin e aktivizuar të telefonit 112, i cili është vënë në dispozicion të shtetasve që kanë nevojë për ndihmë.
Gjithashtu, iu bëjmë thirrje të gjithë qytetarëve shqiptarë të prekur nga përmbytjet në zonat problematike të Greqisë se për çdo nevojë t’i drejtohen Ambasadës sonë???????? përmes numrit të emergjencës 0030-6941658183, në dispozicion të qytetarëve 24/7 shkruan Rama.
