Dy tërmete brenda gjashtë minutash kanë ndodhur në Turqi. I pari me magnitudë 5 ballë është ndier në Goksun, distrikt në Kahramanmaras. Kurse, tjetri 4.1 ballë ndodhi menjëherë 6 minuta pas.
Banorët janë alarmuar, kjo edhe për shkak të tmerrit që kanë përjetuar në shkurt kur dy tërmete të fuqishme shkatërruan zona të tëra.
Më 6 shkurt, tërmeti 7.8 ballë goditi Turqinë me epiqendër Kahramanmarasin. Mijëra njerëz vdiqën në 10 zona të prekura dhe në Sirinë ku tërmetet patën ndikim.
Qytete të tëra janë shkatërruar e janë kthyer në të pabanueshme me mijëra njerëz të detyruar të largoheshin për t’u strehuar diku tjetër.
