Një qytetare nga Kosova, e cila kishte shkuar në Shqipëri bashkë me familjen për pushime, ka humbur jetën në qytetin e Lezhës.
46-vjeçarja ka vdekur derisa po transportohej në spital.
Viktima është Trëndëlina Berisha, motra e regjisores së ndjerë, Burbuqe Berisha. Këtë e kanë konfirmuar edhe familjarët e të ndjerës.
“Të dashur miq dhe familjarë, Me pikëllim të thellë ju njoftojmë se sot, papritmas, na la më e dashura, motra jonë Lina!
Ceremonia e varrimit do të jetë nesër. Për detajet, do t’ju njoftojmë më vonë”, ka shkruar në “Facebook”, vëllai i të ndjerës, Dardan Berisha.
