Katër persona u vranë dhe dy të tjerë, të mitur, u plagosën kur një person i armatosur hapi zjarr në një lagje të Filadelfias të hënën, tha policia amerikane.
Dy të plagosurit janë dy fëmijë të moshës 2 dhe 13 vjeç, të cilët po marrin ndihmën e duhur mjekësore në spital.
Katër të vrarët ishin të moshës nga 20 deri në 59 vjeç.
Dy fëmijët e plagosur janë në gjendje stabile.
Policia tha se autori është kapur dhe se mbante veshur një jelek antiplumb.
Policia beson se të gjithë ata që u qëlluan ishin ose në rrugë ose në automjete kur u goditën.
“Në këtë pikë, ne nuk shohim një lidhje me asnjë nga viktimat dhe sulmuesin,” tha policia.
